მარცხენა ჰანმის (ჰიდარი ჰანმი) დგომიდან ორად ორი ხერხი არსებობს სხეულის უკანა მარჯვენა კუთხისაკენ გადაადგილებისათვის.
მარცხენა ჰანმის (ჰიდარი ჰანმი) დგომიდან მარჯვენა უკანა კუთხისაკენ გადაადგილებისათვის ორად ორი ხერხი არსებობს:
- ან საათის ისრის საწინააღმდეგო მიმართულებით, რომელიც უკანა ფეხით იწყება,
- ან საათის ისრის მიმართულებით, რომელიც წინა ფეხით იწყება:
აიკიდოში სხვა ხერხი არ არსებობს ჰიდარი ჰანმიდან ასეთი კუთხით გადაადგილებისათვის.
იმის მიხედვით, თუ რომელი შესაძლებლობა აირჩევა, პირველი თუ მეორე, სხვადასხვა ილეთების საშუალება გვეძლევა.
ყოველთვის უნდა გვქონდეს გონებაში ის აზრი, რომ აიკიდოში გადაადგილება პირველადი რამაა, ტექნიკა მხოლოდ ამის შედეგია, გარემოებაა და ის მეორადი მნიშვნელობისაა ამ სიტყვის პირდაპირი გაგებით.
ვიდეოში ნაჩვენები ირიმი ნაგეც, აქედან გამომდინარე, ერთი იმათთაგანია, რომელიც ბუნებრივად ჩნდება, როდესაც ტრიალს წინა ფეხით ვიწყებთ:
იმის ნათლად გაგება, რომ ყოველ ჯერზე ტრიალის ორად ორი მიმართულება არსებობს ტორის გადაადგილებისათვის ღია სამი ფუნდამენტური კუთხიდან თითოეულში მისასვლელად, საშუალებას გვაძლევს გამოთქმა როპოს აზრს ჩავწვდეთ.
როპო მართლაც ექვს მიმართულებას ნიშნავს, ჰანმი კი სხეულის ნახევარს. ამ ორ სიტყვას ერთი და იგივე მნიშვნელობა არა აქვს, თუმცა ისინი ავსებენ ერთმანეთს. მართლაც, როდესაც სხეული ნახევრად ღიაა აიკიდოსთვის დამახასიათებელ დგომში, რომელსაც ჰანმი ეწოდება, მაშინ შეგვიძლია ექვსი სხვადასხვა მიმართულებით გადავადგილდეთ. ისინი ორ-ორადაა, ერთმანეთის შემავსებლადაა ორგანიზებული სამ სხვადასხვა კუთხეში. როპო არის ტერმინი, რომელიც იმის მისანიშნებლად გამოიყენება, რომ ჰანმის დგომიდან ექვსი გზა არსებობს გადაადგილებისათვის. მაშასადამე, როპო დგომი არაა, მიუხედავად იმისა, რომ ეს სიტყვა ხანდახან ამ მნიშვნელობით იხმარება.
სამაგიეროდ, ჰანმი დგომია და ის ერთადერთი დგომიც კია აიკიდოში. ტერფების სხვა ნებისმიერ განლაგებათა შორის ჰანმი იმიტომ წარმოადგენს ჩვენს ინტერესს, რომ მხოლოდ და მხოლოდ ეს დგომი ხსნის სხეულს ექვსი შესაძლო მიმართულებით და საშუალებას აძლევს მას მყისიერად გადაადგილდეს ამ ექვსი მიმართულებით. „მყისიერად“ ნიშნავს გადაადგილებას ნებისმიერი შუალედური ბიჯის გარეშე.
ეს თავისებურება უმთავრესია, ესაა მობილობის გასაღები, სწორედ ამის გამო შემოიღო ო-სენსეიმ ჰანმის დგომი 1920-იან წლებში და ამით გამოეყო ის დაიტო რიუს, რომელიც ამას არ იყენებს, ყოველ შემთხვევაში, სისტემატური სახით.
აიკიდო იშვა ჰანმისგან და ჰანმის გარეშე აიკიდო არ არსებობს. მხოლოდ ჰანმი უღებს კარს ექვს მიმართულებას. მანამ, სანამ ეს ექვსი მიმართულება ნათლად და მკაფიოდ არ იქნება გააზრებული, შეუძლებელია ისე გადაადგილება, როგორც ამას ო-სენსეი აკეთებდა და როგორ გადაადგილებასაც აიკიდო მოითხოვს.
ფილიპ ვოარინო
30 ოქტომბერი, 2022